"خلي بالك من مراتك".. هاشتاج يتصدر تويتر بعد تزايد جرائم الأسرة
تصدر هاشتاج "خلّي بالك من مراتك" تريند موقع التدوينات القصيرة تويتر بعد تزايد جرائم الأسرة مؤخرا.
وتزايدت جرائم الأسرة خلال الأسبوعين الماضيين، والبداية كانت في منطقة طنط الجزيرة بمركز طوخ في القليوبية، عندما أقدمت زوجة على قتل زوجها بطعنه بالسكين بسبب خلافات على المصروفات.
وفي المنصورة، أقدم طبيب أسنان على قتل زوجته الطبيبة وفر هاربا بعد أن ترك جثة زوجته غارقة في دمائها وسط أطفالهما الثلاثة، وقال في التحقيقات إن زوجته سبت والدته ولم يدر بنفسه وهو يهم بقتلها.
وتنوعت التغريدات حول الظاهرة على الهاشتاج المتداول، وقال أحد المغردين: «اللى اختار صح واللي اتقى ربنا في مراته وشريكة حياته عمره ما يخاف إنها تغدر به أبدًا».
وقال آخر: «الجو لبش اليومين دول»، بينما قال ثالت مازحا: «لما يكون أكل مراتك مش أد كدة بس أنت عايز تنقذ روحك، جرا ايه يا سامية ايه الأكل اللى مفيهوش ولا غلطة دا».
وقال مغرد آخر: «من خاف سلم»، بينما علق آخر ساخرا: «إحنا نلغى طقم السكاكين من جهاز العروسة»، وقال آخر: «لا تستهينوا بإن جزء من الحرب النفسية هو إذكاء روح العنف فى المجتمع خاصة مع ثقافة الزحام وصعوبات المعيشة. الكوميكس اللى بلا لازمة عن جمعية قتل الأزواج وجمعية قتل الزوجات مش هينة وبترسخ عند بعض المتلقين إن ده العادى والطبيعى وممكن تبقى صورة ذهنية فى الخارج. متنخدعش فى كل نكتة».
