أول تصريح من أشرف السعد بعد إخلاء سبيله: "أنا اتنفخت"

أكد رجل الأعمال أشرف السعد؛ أنه غادر سجن مديرية أمن الإسكندرية عقب الإفطار بساعة، لافتا إلى أنه أنهى كافة القضايا التي كانت موجودة ضده وحصل على شهادة بيضاء تفيد بأنه غير مطلوب على ذمة أي قضايا.

وقال السعد في تصريحات لبرنامج "على مسؤوليتي" المذاع على قناة "صدى البلد": "الموضوع كان كابوس وأنا اتنفخت بصراحة بقيت أقولهم يا جماعة أنا أشرف السعد وهما مكانوش عارفين في أيه".

وأضاف: "المحامي العام قالي أوراق القضية مش لاقيينها وقالوا في قضية بـ 1200 جنيه؛ أنا كنت محبوس في سجن وبشكر قسم مصر الجديدة اللي كنت محبوس فيه وبشكر مديرية أمن الإسكندرية وقسم الرمل".

وتابع: "كانت تجربة سيئة جدا وكنت حاسس أني بحلم؛ خلصت كل اللي عليا ومكانوش هيسمحولي بالخروج لو كان عليا مخالفة مرور حتى".

وأكمل: "أنا قضيت أربع أيام في السجن ومحدش عارف في إيه وكان مسحوب مني تليفوني وكنت منعزل عن الدنيا ولكن الحمد لله".

وأردف: "مصر في دمي وفي قلبي؛ كنت بقولهم أنا كنت بموت عشان الشرطة وبدافع عنكم برة وهما كانوا بيقولولي مفيش حاجة في إيدينا".

واختتم: "أنا مش رايح البلد النهاردة؛ وأنا جاي من المطار اتفاجئت بالبلد؛ اتغيرت جدا الطرق عندنا أحسن من طرق لندن لكن في مشكلة في المرور".