"معدي فوق طوخ".. عمرو أديب عن الصاروخ الصيني: "المصريين قلقانين"

علق الإعلامي عمرو أديب؛ على أزمة الصاروخ الصيني لونج مارش والذي فقدت الصين السيطرة عليه خلال الفترة الماضية حيث من المتوقع أن يسقط في مكان ما في الكرة الأرضية.

وقال أديب خلال برنامج "الحكاية" المذاع على منصة "شاهد": "الصاروخ الصيني لا أحنا اللي عملناه ولا طلعناه ولا هننزله لكن المصريين قلقانين وكل شوية يقولك أصلة عدى من عندنا أصل أنا شفت الصاروخ وانتوا عارفين بقى لما المصريين يمسكوا في حاجة".

وأضاف: "الصين كانت طلعت الصاروخ لدراسة بعض الأمور في الفضاء وعليه أجهزة دقيقة وخرج عن مسارة وابتدا يلف حوالين الكرة الأرضية وبعض الناس قالوا هيقع في المحيط والبعض الأخر في استراليا".

وتابع: "كل واحد مضايق من محافظة بقى يقولك هينزل فيها وواحد قالك دا معدى فوق طوخ؛ طيب أزاي دا سرعته 2800 كم يعني يروح من القاهرة لأسوان ويرجع في ساعة".