أديب يطالب بحظر دخول الهنود: "اللي يتكسف من بنت عمه يجيله منها كورونا"
علق الإعلامي عمرو أديب؛ على نجاح السلطات
الصحية في مطار القاهرة اكتشاف راكب هندي قادم على الخطوط الجوية القطرية حاملا
للسلالة الهندية الجديدة من فيروس كورونا.
وقال أديب خلال برنامج "الحكاية"
المذاع على منصة "شاهد": "كنت بتكلم على الناس اللي هتيجي من الهند
والسلطات الصحية اكتشفت واحد ضمن تلات هنود قادمين على الطيران القطري يحمل الفيروس
المتحور وقدرنا نوقف الأمر؛ اطلبوا أن محدش يجي من الهند خالص لمصر لا تجي من
الهند ولا قطر ولا من أي حتة".
وأضاف: "مش موقف ضد الهنود ولكن موقف لحماية
الموطن لو كان عدي كان عمل مصايب؛ انت ليه عامل كدة قولوا للطيران اللي جاي لمصر
ميشيلش هنود".
وتابع: "اللي يتكسف من بنت عمه يجيله
منها كورونا؛ برة مبتكسفوش كل دول الخليج منعت أي طيران مباشر أو غير مباشر من
الهند واستراليا قالت مش بس ميجليبش هنود والاستراليين في الهند ميرجعوش
كمان".
وأوضح: "سلامة المجموع أهم من الفرد في
الوباء؛ الشاب الهندي جاي يشتغل بحار لولا يقظة الأجهزة الصحية عندهم أجهزة الكشف
السريع اللي يقدر يعرف أنه متحور لو عدى واحد أو اثنين هيحصل كارثة".
واختتم: "الراجل دة مش عطس في الطيارة وفيها
ناس ممكن مجالهمش في الساعة دي ولكن جالهم بعدين لماذا ترفض السطات المصرية وضع
خطوط حمراء على مناطق بعينها؛ مانت اللي هتدفع التمن بعد كدة".
