سمية الخشاب عن مشاركة أحمد سعد في "موسى": "رزقه.. ومش زعلانة"
كشفت الفنانة سمية الخشاب عن كواليس مشاركة
المطرب أحمد سعد في مسلسل موسى والذي تقوم ببطولته مع الممثل محمد رمضان.
وقالت الخشاب في مداخلة هاتفية مع برنامج
"التاسعة" المذاع على القناة "الأولى": "أحمد سعد كان
أقترح أغنية على محمد رمضان عشان يغنيها، ومحمد رمضان كلمني وقالي في أغنية حلوة
مع أحمد سعد".
وأضافت: "محمد رمضان قالي لو مضايقك
الموضوع بلاش ومينفعش أعمل حاجة على عكس رغبتك، وأنا قلت أبلغك بنفسي وأخد
رأيك".
وتابعت: "قلتله معنديش مشكلة طالما
الاغنية عجباك خلاص، أنا قلت دا رزقه وهو (أحمد سعد) زعل من الكلمة دي مع أن كل
حاجة رزق من ربنا، هو لما أغني في مسلسل ناجح ميبقاش رزق والا أما أطلع تريند
ميبقاش رزق".
وأكملت: "قلت لمحمد رمضان دا رزقه وأنا
مسامحة، قالي نامي وأصحي ولو غيرتي رأيك الصبح قوليلي فقلتله لا أنا كلمتي
واحدة".
واختتم: "الاغنية اتعملت وهو جه وسلم
عليا عادي، أنا مسامحة في كل حاجة من قلبي ومش عايزة أزعل من حد ومش زعلانة من
حد".
