عمرو أديب يوجه رسالة إلى مستشار الرئيس التركي
علق الإعلامي عمرو أديب؛ على مقالة ياسين أقطاي؛
مستشار الرئيس التركي والتي انتقد فيها تنفيذ حكم الإعداء في قتلة ضباط قسم شرطة
كرداسة.
وقال أديب خلال برنامج "الحكاية"
المذاع على منصة "شاهد": "أقطاي إيده أكلته وراح كاتب مقال يندد بإعدام
عصابة كرداسة اللي قتلوا قسم كرداسة كلوا وضربوا القسم بالأر بي جي وضربوهم
بالرصاص ومش هقف عند موضوع ماية النار لأن اللي مات مات".
وأضاف: "أقطاي زعلان وبيقول مش كدة ومش
في رمضان متسأل الناس أعدمت ليه؟ وتاني
حاجة مالك انت؟ احنا أدخلنا انتوا عملتوا اية في الأرمن أو حزب العمال الكردستاني
دي جريمة قام بها المجرمين اللي انت شايلهم عندك".
وتابع: "يا ياسين يا أقطاي لا تتدخل في
الشأن الداخلي المصري ساعات يبقي ماشين كويس ويطلع واحد أيده بتاكله يبوظ الدنيا وبيتكلموا
أن في واحد أعدم وكان من حفظة القرآن؛ في تاريخ الإسلام كام واحد من حفظة القران
قتل من الخلفاء الراشدين".
واختتم: "اللي حافظ القرآن ولم يعمل بيه
وهو قاتل لازم يكون عقابه أكبر؛ ملكش دعوة أحنا بنعمل إيه أحنا ومكلش دعوة الأحكام
عندنا بتمشي ازاي وملكش دعوة بالقضاء المصري".
