عمرو أديب عن التزاحم في الحسين: "الهند بدأت كده.. اهدوا شوية"

علق الإعلامي عمرو أديب على التزاحم الذي شهدته عدة مناطق في مصر خلال شهر رمضان دون مراعاة الإجراءات الاحترازية للوقاية من فيروس كورونا.

وقال أديب خلال برنامج "الحكاية" المذاع على منصة "شاهد": "أنت حر مالم تضر، إنما متنزلش تفطر وتتسحر في الحسين، كله شغال والكام يوم الجايين دول ربنا يستر".

وأضاف: "محدش بيحس بحاجة إلا لما تحصل، دي بلد في عصر الكورونا؟ دا الناس مش عارفة تتنفس في وش بعض والناس مبتحسش ألا لما يجيلها أو يموتلها حد".

وتابع: "الهند باعتة لمصر عايزين عقار ريمدسفير، الهند قلعة الدواء طالباه من مصر، عندهم 350 ألف حالة ووصلوا لكده عشان كان عندهم احتفالات دينية في الهواء الطلق".

واختتم: "ربك ساترها معانا اهدوا شوية الوضع صعب اهدوا شوية في تحورات هندي وجنوب أفريقي، هو لازم نترزع في الحيط؟ مش عايزين البلد تقفل".