نيللي كريم: "محمد رمضان كان خجول.. وممكن يكون لسه موزنش نفسه"

أكدت الفنانة نيللي كريم؛ أن الممثل محمد رمضان يعد أحد النجوم الناجحين، موضحة أن بداية معرفتها به كانت خلال مهرجان دبي السينمائي الدولي.

وقالت كريم في مقابلة مع برنامج "الجريئة وشيخ الحارة" المذاع على قناة "القاهرة والناس": "أول حاجة أفتكرها لمحمد رمضان كان في مهرجان دبي السينمائي الدولي وكان عامل فيلم جد مع أخت روبي وأنا رحت وباركتلهم عليه".

وأضافت: "محمد رمضان كان شاب خجول وشفته بشكل مختلف ولما ابتدى ينجح أنا فرحت أوي لأن دا كان جاي بعد تعب".

وتابع: "بالنسبة لتصرفاته دلوقت هو المسؤول عنها؛ مش هعلق عليها ممكن يكون لسة موزنش نفسه وأحيانا ببقى عايزة أقوله بلاش يا محمد".

وتطرقت كريم للحديث عن ملابسها مؤكدة أنها ترتدي ما يناسبها نافية أن يكون أي من أزواجها السابقين قد اعترضوا على ملابسها.

واختتمت: "أنا بلبس اللي يليق ليا ومفيش لبس جرئ بشكل مبالغ فيه وأنا بلبس الأسود عشان بستسهل؛ مش لسه هوفق لون على لون".