بسبب مريضة السرطان.. أول رد من تامر عاشور على الانتقادات الموجهة له
خرج المطرب تامر عاشور عن صمته بعد الانتقادات التي وجهت له منذ الساعات الماضية،
بعد أن نشر صورة تجمعه بطفلة مصابة بمرض السرطان، وعلق عليها وهو يعطيها
برتقاله:"خدي انت أنا صايم يا فاطرة" وتابع "بحبك"، مما جعل جمهور السوشيال ميديا ينتقد هذا التصرف من المطرب.
ورد تامر عاشور عبر موقع "فيس بوك":"صباح
الخير - انا طول حياتي ومشواري عمري ما اتريقت على حد سليم علشان اتريق على مريض حاش
لله - واللي اخد كلامي تريقه على مريض نفوسهم ضعيفه وهم اللي مرضى بيفرقوا بين المريض
والشخص الطبيعي.
وتابع:"لو نزلت صورتي مع اي طفل " اللي هو غير مُكلف بالصيام " وقولتله بأي طريقة متشربش مياه قدامي يا فاطر أو خد دي يا فاطر انا صايم.. حد هيتكلم ؟ مستحيل علشان طفل طبيعي"، مضيفًا: "لكن المريض لا منهزرش معاه زي الطبيعي علشان هو مريض ونفضل نقوله مريض مريض مريض ونحسسه بمرضه من تعاملتنا.. المرض الحقيقي هو التفرقه بين اطفالنا اللي بصحه جيده ربنا يديهم كل الصحه واطفالنا اللي ربنا اختارهم للمرض".
وتابع "تامر": "المرض الحقيقي هو ان فكره " المعايره " جاتلك قبل ١٠٠ فكره تانيه ممكن تجيلك من جمال البنت وضحكها وبهجه الصورة.. وللأسف شوفت كمان حاجه غريبه جدا.. ناس كتير قوي محسوبين على "هامش هامش هامش المجال الفني " عمرهم ما شافو مني حاجه وحشه غير اني مباديهمش مواعيد لاقيتلهم تعليقات كأنهم ما صدقوا لاقولي غلطه وانصحهم "العمر بيجري حاولو تعملو حاجه لنفسكم أولى".
وفي سياق آخر غني المطرب تامر عاشور تتر مسلسل "ولاد ناس" باستديو الصوت الخاص بالموزع الموسيقي الكبير طارق مدكور.
ومسلسل "ولاد ناس" من إنتاج "سكوير ميديا" للمنتجين منى قطب وإبراهيم حمودة، وتأليف وإخراج هاني كمال، وبطولة نخبة من النجوم، أبرزهم أحمد وفيق، رانيا فريد شوقي، صبري فواز، بيومي فؤاد، إيهاب فهمي، لقاء سويدان، أحمد صيام، صفاء الطوخي، وآخرين.
