عمرو أديب: "إثيوبيا مش سيبالنا نفس.. وكلمتهم الملء الثاني هيحصل هيحصل"
قال الإعلامي عمرو أديب؛ إن مجلس الأمن
القومي الإثيوبي اجتمع اليوم وأدان التدخلات الخارجية والداخلية في شؤون البلاد
والمؤامرات وقرر أن يقوم بالملء الثاني لسد النهضة في موعده.
وأوضح أديب خلال برنامج "الحكاية"
المذاع عبر منصة "شاهد": "مجلس الأمن القومي الإثيوبي قالوا هيملوا
ومش هيتراجعوا والكلام واضح جدا وكل الناس اللي بتتكلم عن وجود قوات في منطقة سد
النهضة أو غيره كل الكلام دة مش مهتمين بيه خالص".
وأضاف: "الإثيوبيين مهتمين أنهم يعلوا
الحيطة ويعلوا السد ويملوا؛ ومصر بتقوم بجولات أفريقية وأمريكا بتدعو للحل ولكن
إثيوبيا لغاية النهاردة بتتكلم عن أن الملء الثاني للسد هيحصل هيحصل".
وتابع: "مش عارفين وضع الفيضان السنادي
إيه؛ لو الفيضان متوسط أو منخفض هتبقى الماية اللي واصلة لمصر والسودان أقل من
المعتاد".
واختتم: "إثيوبيا مش سيبالنا نفس؛
مبتخليش فرصة تخليك تشوف منهم حسن النوايا؛ عندهم كلمة واحدة وهي احنا هنملى وأنت
مش هتنضر".
