"عندنا مشكلة في البشر والحجر".. عمرو أديب يعلق على حادث قطار طوخ
علق الإعلامي عمرو أديب على حادث قطار طوخ الذي أودى بحياة 11 شخصا وإصابة 98 أخرين، لافتا إلى أن تكرار حوادث القطارات في وقت
قصر أمر غير طبيعي.
وقال أديب خلال برنامج "الحكاية"
الذي يعرض عبر منصة "شاهد": "هو في بلد في العالم كل 7 أو 8 أيام
يخرج فيها قطر عن القضبان أو يحصل حادث؟".
وأضاف: "حوادث القطارات والطيران
استثناء ولكن حوادث القطارات في مصر أصبحت تتكرر، يعني إيه القضبان مكانتش ثابتة
أو نظام التحكم مكانش شغال أو الراجل كان سايق بسرعة".
وتابع: "عندنا مشكلة في البشر اللي
بتشغل القطارات، عندنا مشكلة في العنصر البشري وفي مهازل في تقرير النيابة العامة
عند حادث القطارين الأخيرين في سوهاج وطوخ".
وواصل: "القطر الأول الناس واحدة مخدرات
ومكانتش في الكابينة والقطر التاني في تزوير في ورقة التسجيل اللي مفروض يطلع بيها
القطر، عندنا تقصير قاتل في العنصر البشري".
وأكمل: "محدش يقولي في قطارات كتير
بتوصل في معادها عندنا مشكلة قوية جدا في البشر والحجر والمكان اللي حصل فيه
الحادث كان تم تطويره أصلا".
واختتم: "لو كامل الوزير اتشال في القطر
اللي فات هل القطر دة مكانش هيتقلب؟ المشكلة مبقتش بقاء وزير أو رحيل وزير المشكلة
عندنا مشكلة في الناس اللي بتشغل القطارات".
