عمرو أديب يعلن مقاضاة محمد رمضان: «لو محدش رباك أنا هربيك»

أعلن الإعلامي عمرو أديب؛ مقاضاة الممثل محمد رمضان؛ على خلفية إساءة الأخير له عبر مواقع التواصل الاجتماعي وذلك بعد أن انتقده أديب بسبب فيديو إلقاء النقود في المياه.

وقال أديب خلال برنامج "الحكاية" المذاع على قناة "إم بي سي مصر": "في ناس فاكرة أنها تقدر تعمل أي حاجة من غير ما تتحاسب؛ لكن البلد فيها قانون".

وأضاف: "طلبت من المحامي طارق جميل سعيد؛ أن يقاضي محمد رمضان بعد إساءته ليا؛ وندرت ندر إن أي فلوس هاخدها منه هوديها لمستشفى أبو الرئيس للأطفال؛ أخدت 100 ألف هتروح للمستشفى؛ أخدت 5 مليون هتروح بردو للمستشفى".

وتابع: "أنا مش من النوع اللي بياخد حقه بالتجاوز؛ ويا أنا يا انت؛ هنقف قدام القاضي ونوريله الكلام ولو القاضي قال كدة ينفع ماشي ولو مقالش وادالي الفلوس هوديها المستشفى".

وواصل: "أنا مستعد أفضل معاك العمر كلة ولو محدش رباك أنا هربيك وهاخد حقي بالقانون؛ غرورك صورلك أنك تقدر تعمل كل حاجة لكن مش هدخل سجال وأنا مش قليل الأدب لو فاكر أنك مسنود؛ القانون مش بيسند حد والبلد دي مفيهاش حد مسنود".