الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

عمرو أديب يوجه رسالة لمحمد رمضان: "اللي ادالك الفلوس قادر ياخدها"

الرئيس نيوز

علق الإعلامي عمرو أديب؛ على الفيديو المصور الذي نشره الممثل محمد رمضان وهو يلقي بالأموال في مياه المسبح ثم إلى الحيوانات التي يمتلكها وذلك على خلفية الحكم القضائي الذي صدر ضده بتعويض الطيار أشرف أبو اليسر.

وقال أديب خلال برنامج "الحكاية" المذاع على قناة "إم بي سي مصر": "حين يصدر حكم قضائي فإن الطبيعي أن يخرج الشخص المحكوم ضده ويقول نحترم أحكام القضاء ولكن ما كان من محمد رمضان إلا أن نشر فيديو مستفز للشعب المصري".

وأضاف: "محمد رمضان نشر فيديو مستفز لشعب فيه ناس بتشقى عشان تجيب احتياجاتها؛ هو بيقولنا الفلوس دي على الجزمة وأن النعمة دي متفرقش معاه؛ محمد رمضان أصبح عدو نفسه ومتفهمش دماغه فيها إيه".

وتابع: "أنا عايزه يشرحلي إيه الفكرة؛ لما انت معاك فلوس ومش محتاجها كان ممكن تتبرع بيها لحد؛ مش ملاحظ يا محمد أن بقالك سنة كل شوية بتعمل مصيبة؟ والناس اللي انت استفزيتها دي بتبلع أي حاجة؟".

وأكمل: "انت في بلد الناس ظروفها صعبة وعلى فكرة في ناس معاها فلوس أكتر منك ومبتعملش كدة اللي أدالك الفلوس قادر يسحبها منك في ثانية؛ ليه الاستفزاز؟ ليه تكره الناس فيك؛ بدل ما تقول انا غلطان واحنا داخلين على رمضان هتبرع بحاجة".

وواصل: "بقالك مدة بتبقى تريند والناس اللي انت استفزيتهم هما اللي عملوك؛ الناس مدايقة اللي كنا فاكرينه موسى طلع فرعون؛ أهدى وأرجع لعقلك بلاش غرور".

واختتم: "ناس أعظم منك وضاعوا في ثواني؛ ليه الاستفزاز دة؛ الفلوس اللي بترميها دي ومش حقيقة في ناس بيطلع عينيها عشانها لسة قدامك وقت تراجع نفسك؛ خالد النبوي لما اتقال انه تعبان مصر كلها وقفت على رجل".