«متزوج وخاطب ومصاحب».. قصة هاشتاج «يوميات خ م» المثير للجدل بين فتيات المنصورة

قالت أسماء محمد أحد المشاركات في الهاشتاج :" دكتوره جميله وميكب ارتيست رقيقه فرحها بعد شهرين بعد قصة حب وخطوبة 4 سنين لدكتور شاب بعد كتب الكتاب وهي بتطلع القسيمه اكتشفت ان في قسيمه تانيه باسم عريس الغفله وطلع متجوز ومراته حامل عادي بس مجاتش مناسبه يعرفها .. نشرت الموضوع على جروبز بتاعت بلده طلع خاطب واحده ومرتبط بالتانيه شاب زي الورد متجوز واحده وكتاب كتابه علي التانيه وخاطب التالته ومرتبط بالرابعه وقادر ينظم وقته بينهم من غير ماواحده فيهم تحس".

بينما قالت شيرين أشرف فتاة اخري :" لو مرتبطة بواحد من المنصوره اسمه خ م  فانهارده واحده صاحبتنا بياخدوا القسيمه  بعد ما كتب  كتاب من أسبوعين البنت عرفت أنه متجوز و بعد ما نزلنا ع جروب المنصورة عرفنا انه خاطب ومصاحب".

في حين قالت الدكتورة رهف تاج الدين :"أنا مش بس مجروحة أو حزينة، أنا مدبوحة ووجعي بيزيد مش بيقل، وبحاول أقاوم الانهيار تمامًا. أنا كنت عايشة في عالم تاني وفي يوم وليلة ألاقي حد بيفوقني ويقولي كل اللي انتي فيه ده كدب! متفاجئة بكل كلامكم ودعمكم ليا وإن كل الناس دي زعلانة ليا، ربنا يخليكم ليا ويكفيكم شر الناس.. ادعولي  علشان الخبطة جامدة ومش حاسة بنفسي من وقتها".