"طبعا بالاتفاق".. محمود حميدة يفضح برنامج رامز جلال

كشف الفنان محمود حميدة، اليوم الاحد، خلال مشاركته بمهرجان مهرجان الأقصر للسينما الأفريقية، عن تفاصيل مشاركته بأحد حلقات برنامج «رامز تحت الأرض» الذي عرض شهر رمضان عام 2017 الذي يقدمه الفنان رامز جلال.

وقال محمود حميدة خلال مشاركته بمهرجان الاقصر للسينما الافريقية قائلا: «طبعا بيتم اتفاقات، مش معقول تجيب نجم كبير، وتعمل فيه مقلب رخم، قد يؤدي إلى حادثة فظيعة، وهيسبك! هو لو جبني عمل فيّا كده من غير أنا ما أعرف هو عارف إيه اللي هيحصل بعد كدة».

موضحا: «اللي بيشتغلوا معاه في البرنامج كانوا بيحاولوا يتفقوا معايا قبل ما أعمل هذه الحلقة، وأنا رفضت، فقابلني هو بعدها خلال رحلة من الرحلات، وطلبني مني الظهور معه بأحد الحلقات، وقالي هو إحنا مش هيكون ليا الشرف وتيجي معايا في حلقة من البرنامج، قولتله أنا مش هعرف أعمل ده لأني لا بحب أكذب على الجمهور ولا نفسي، عشان ببساطة أكسب فلوس».

تابع: «قولتله اسمع يا رامز عايز تجيبني هاتني من غير ما أكون عارف، ولما قولتله كده، كانه حصل على الضوء الأخضر بالموافقة، وفعلا جابوني من غير ما أعرف، ولم أعلم إلا لما خلص المقلب، وعشان أعطيته أنا الموافقة مبدئية بقيت مش عارف أقرب من المنتج ولا القناة العارضة، أنا كنت هاخدهم كلهم في سكتي لو مكنتش أعرف، ولكن الحمد لله عدت على خير».

يذكر أن الفنان محمود حميدة شارك، اليوم، بندوة تكريم الفنان نادية الجندي، ضمن فعاليات الدورة العاشرة لمهرجان الأقصر للسينما الأفريقية، بصفته رئيس شرف المهرجان وشريكها في بعض أفلامها ونجاحاتها.