الجمعة 29 مارس 2024 الموافق 19 رمضان 1445
رئيس التحرير
شيماء جلال
عاجل
أخبار

عمرو أديب يرد على هجوم محمد رمضان: "مخدناش بالنا أنك اتعورت"

الرئيس نيوز

رد الإعلامي عمرو أديب؛ على الفنان محمد رمضان الذي هاجمه في منشور على صفحته بموقع التواصل الاجتماعي فيسبوك على خلفية مداخلة هاتفية لأديب مع الفنان الشاب يوسف عمر والذي أصيب خلال تصوير إعلان مع رمضان.

وقال أديب خلال برنامج "الحكاية" المذاع على قناة "إم بي سي مصر": "لم نهاجم محمد رمضان خلال البرنامج؛ لكن يبدوا أنه سمع ولم يشاهد؛ لقد فوجئت بما نشره وقال إن عمرو أديب فتح النار عليه".

وأضاف: "عايز أقول لنمبر ون؛ والا بلاش نمبر ون عشان لسة فيها كلام؛ لما تكون فنان كبير لازم يكون عندك مسؤولية اجتماعية؛ أن في مكان تصوير يعني كبير المكان مينفعش لما واحد يحصله حاجة تروح تقوله هاي انت كويس جرالك أيه وتمشي؛ لازم تروح تقف جنبه وتساعده وتشوفه حصله ايه؟".

وتابع: "دوري أني أقف مع الغلبان؛ أنت في ألف مين يعالجك؛ لكن هو مفيش حد يقف جنبه وياخد بأيده؛ دا غلبان ومحدش عبره؛ محدش هاجمك ومحدش قال إنك غلطان".

وأكمل: "يارمضان؛ أنت مش مستغرب أن خلال تلات أيام حصل حادثتين في تصوير انت فيه؟ من دا يخليك تفكر في تأمين شغلك أكتر؟ حرفية الشغل لازم تهتم بيها".

واختتم موجها حديثه لمحمد رمضان: "لازم تهتم بالحرفية أكتر؛ انت رحت المسلسل ولعت؛ أحنا أسفين ومخدناش بالنا إنك اتعورت".