عمرو أديب عن والتر بواليا: "إزاي بيلعب لحد دلوقت؟"

علق الإعلامي عمرو أديب؛ على تعادل الأهلي أمام فيتا كلوب الكونغولي بهدفين لكل فريق في المباراة التي أٌقيمت بين الفريقين ضمن منافسات دوري أبطال أفريقيا.

وقال أديب خلال برنامج "الحكاية" المذاع على قناة "إم بي سي مصر": "أنا زملكاوي؛ وبواليا مهاجم الأهلي دا عصبني؛ ازاي بيلعبوه لغاية دلوقت؟".

وأضاف: "أنا لو من الأهلي أقوله أقعد كدة على جنب شوية؛ ومعرفش إيه سر صبر موسيماني مدرب الأهلي عليه؛ اللاعب ضيع أهداف كتير كانت كفيله تخلي الأهلي يفوز".

وتابع: "الأهلي وصل إلى مرمى الفريق الكونغولي 20 مرة ولو كان سجل كان الماتش يخلص خمسة على الأقل؛ لكن الملاحظ أن الأهلي والزمالك معندهمش هداف".

وأوضح: "الأهلي والزمالك معندهمش هداف يسجل الكورة في منطقة الستة؛ مفيش اللاعب اللي ينزل وقت قصير ويسجيل مفيش وليد سليمان أو شيكابالا".

واختتم: "في الأهلي يقول عندنا كذا لاعب هدافين لكن مبيسجلوش أهداف وفي الزمالك يقولك عندنا هدافين لكن بلا أهداف؛ اليوم كان سيء على الكرة المصرية".