أحمد موسى عن تامر أمين: "فيه قضايا ما فيهاش زمالة.. العدل هياخد مجراه"
عبر الإعلامي أحمد موسى عن فخره بكونه أحد
أبناء صعيد مصر لافتا أن الصعيد يعتبر كل مصر وأبنائه منتشرين في كافة المحافظات.
وقال موسى خلال برنامج "على
مسؤوليتي" المذاع على قناة "صدى البلد": "مصر هي الصعيد وبحري
ولا نفرق بين أهالينا ولكن من العيب أن يقول أحد إن الصعيدي فعل وفعل؛ وأشكر كل من
دافع عنا".
وأضاف: "لا نسمح لأحد بالحديث عن بنات
مصر أو رجال مصر وحين يتطاول أحد على أهلنا فهو تطاول علي؛ أنا من قرية شطورة
بالصعيد قلب مصر النابض".
وتابع: "هو طه حسين منين والعقاد منين
وجمال عبد الناصر منين والدكتور أحمد الطيب منين؟ احنا مبنشحنش بناتنا والبنت
بنوزنها بالدهب للي ميعرفوش البنت عندنا إيه؛ أحنا اللي عارفين وأهالينا علمونا
كدة ويعرفوا العيب عشان كدة زعلوا وغضبهم صعب مش بيتنسي بسهولة".
وأوضح: "في كتير من أهالينا بيكلموني
بيقولولي حقنا فين؛ هو انتوا حقكم كلمتين ويخلصوا لا؛ ولا وحد يطلع يقول اعتذرت
وخلاص لا".
واختتم: "في قضايا مش بتساهل فيها ولا
بعمل حساب لزمالة أو صحوبية بقفل على دة وبردمه؛ عندي أهلي وناس أهم وعندي شرفنا
أهم؛ اللي اتقال دة عار على اللي قاله لا احنا مسامحين ولا بنسامح والعدالة هتاخد
مجراها".
