أثارت جدل علي السوشيال ميديا.. القصة الكاملة للكلبة «جي جي» التائهة
أثارت الكلبة جى جى جدل واسع علي السوشيال ميديا وهي كلبة تائهة في أكتوبر، حيث قامت فتاة تدعي "منة قطب" بعمل إعلان يحتوي علي مكافأة ٢٠ ألف جنيه، لمن يعثر علي الكلبة.
وقالت الفتاة في تعليقها على الصورة: "في صديقة كلبتها تاهت والمكافأة دي لأي حد يلاقيها.. هي تاهت في أكتوبر طلعت من البوابة على الطريق السريع.. اللي يلاقيها هيستلم الفلوس قبل حتى ما يسلمها.. بس بعد التأكد أن هي الكلبة اسمها "چى چى" وعندها 11 سنة".
وتنوعت التعليقات علي المنشور سواءً بالاستهزاء أو التقدير، حيث قال أحد المعلقون: "واحنا ليه نسهزأ بالناس.. هي كلبتها وغاليه عليها من وجهة نظرها ومقدراها كمان.. من ناحية المال دي قسمة ربنا ليها وهي حرة في مالها وربنا هو وحده موزع الأرزاق وكل واحد وأخد حقه بالضبط من الرزق وهو في الأول والآخر ده ابتلاء ربنا يرجع لها جي جي بالسلامه يارب".
بينما قال معلق آخر: "فيه ناس كتير الـ ٢٠ ألف جنيه عندها زي الـ ٢٠ جنيه عن ناس تانية اللي هما غالبا بيعلقوا بالاستهتار أو تهكم علي الخبر.. الناس ديه بتصيف أسبوع أو أسبوعين في السنة في إحدي شاليهاتها في مارينا والعين السخنة والجونة أو سهل حشيش أبو ٥٠ مليون جنيه.. عادي جدا عندهم الـ ٢٠ ألف جنيه بعد ١١ سنة وعادي جدا بعد انتهاء الوفاء من البني آدمين".
