تامر أمين: "الأهالي في الصعيد بيخلفوا عشان ولادهم يصرفوا على البيت"
قال الإعلامي تامر أمين؛ إن هناك نسبة كبيرة
من سكان الريف والصعيد؛ يقومون بالإنجاب من أجل الاستفادة المادية من خلال نقل الأبناء إلى العمل في الورش والمنازل.
وأوضح أمين خلال برنامج "أخر النهار"
المذاع على قناة "النهار": "نسبة كبيرة من سكان الريف والصعيد
بيخلفوا ولاد وبنات مش عشان يصرفوا عليهم لا دا بيخلفوا العيال دي عشان هي اللي
تصرف على الأب والأم".
وأضاف: "في أسر كتير بتخلف الولد وأول
ما يبقى عنده 5 أو 6 أو 7 سنين بالكتير يقوموا رامينه على ورشة سمكرة أو دوكو أو
إصلاح سيارات أو يشتغل في المعمار المهم أنه يشتغل اللي هو إعلاميا كدة بنسميه
الواد بلية".
وتابع: "الاسطى أخر الشهر يدي للولد 500
والا ألف جنيه والولد ياخد الفلوس يرميهم في حجر أبوه؛ ولو خلفت الاسرة بنت مش
هنغلب لا أول ما تبقى 9 سنوات أشحنها تشتغل في البيوت وفي أزمة في خادمات المنازل
في القاهرة والأسكندرية الفترة دي والبنت مش بتستمع بطفولتها ولا أي حاجة".
وأوضح: "الطفلة تاخد 1000 والا 2000
جنيه وتروح ترميهم في حجر أبوها وهو قاعد في البيت بيشيش ويطلعلة 15 أو 15 ألف
جنيه شهريا من ورا شغل العيال اللي مسرحهم".
واختتم: "في الأخر تيجي الست تقول
لجوزها بعد كل دة أنا حامل يقولها كويس أهو رزق وجايلنا؛ لحد ما يخلف 10 أو 15
عيل".
