السيسي عن شهداء كورونا بالقطاع الطبي: «القطاع الصحي والتعليمي مش بيقبضوا كويس.. وبنحاول نحسن»
أرجع الرئيس عبدالفتاح السيسي، انخفاض رواتب القطاع الصحي والتعليمي في مصر إلى الزيادة السكانية الكبيرة.
وقال السيسي، خلال افتتاح عدد من المشروعات في قطاع الصحة، صباح الثلاثاء، «أنا معاكم إن القطاع الصحي والتعليمي مش بيقبضوا كويس، هخبي ليه؟، إحنا بنحاول نحسن على قد ما نقدر».
وأضاف: «بالنسبة للناس اللي استشهدوا من القطاع الطبي، المقابل بتاع ده إيه؟، المقابل عند ربنا بقى، لكن إحنا كمصر وكبشر مش هنقدر نديهم حاجة لأنهم راحوا عند ربنا، لكن على الأقل هنحاول نقدم بديل جيد للموجودين، وده مش هنقدر نحققه بمعدلات النمو السكاني الحالية».
ويشهد الرئيس عبدالفتاح السيسي، صباح الثلاثاء، افتتاح عدد من المشروعات في قطاع الصحة، بحضور الدكتور مصطفى مدبولي رئيس الوزراء، والدكتورة هالة زايد وزيرة الصحة والسكان، وعدد من الوزراء والمسؤولين.
