بسبب بوست لها.. عارفة عبد الرسول تثير الجدل علي السوشيال ميديا
ثارت حالة من الجدل علي السوشيال ميديا، بسبب بوست نشرته الفنانة عارفة عبد الرسول علي صفحتها الرسمية علي الفيس بوك تذكر خلاله أنها قامت بغلق الهاتف في وجه إحدي الصحفيات بعدما اتصلت بها أكثر من مرة في نفس الوقت، بينما كانت تعاني من إرهاق شديد.
وعلق عدد من الصحفيين على ما نشرته "عبدالرسول"، وذكر أحد المعلقين: "الفنانة عارفة عبدالرسول قفلت السكة في وش صحفية عشان اتصلت بيها أكتر من مرة ورا بعض.. أسلوب مرفوض ولا أعلم الصحفية التي تتحدث عنها؛ ولكن ده أسلوب الغرور والتعالي من حضرتك لأنه مش من المفترض تعرف مواعيدك؛ وهي بالتأكيد غلطت في إنها اتصلت أكثر من مرة ورا بعض؛ ولكن مش مبرر إنك تقفلي السكة وتقوليلها "يا دمك يا شيخة"؛ كان ممكن تقوليلها أنا مرهقة هكلمك أول ما أصحي - معلش انا مش فاضية - أي رد تاني؛ لكن الأسلوب اللي حصل من حضرتك مرفوض ومش مقبول يا فنانة".
بينما بينما علقت أخرى: "بالمناسبة والله موقف شبه دا عملته في أول ما بدأت مكنش عندي خبرة، مع الست رجاء الجداوي الله يرحمها وردت عليا اعتذرت إنها مردتش عليا من أول رنه واعتذرت عشان تعبانة وقالتلي هتصل بيكي بكرة وفعلاً اتصلت تاني يوم".
