تامر أمين عن فتاة حنين حسام: "راجعة أسخم من الأول"

علق الإعلامي تامر أمين؛ على إخلاء سبيل فتاتي التيك توك مودة الأدهم وحنين حسام لافتا أنه سعيد بقرار القضاء المصري بالافراج عنهما ومراعاة حداثة السن للفتاتين.

وقال أمين خلال برنامج "أخر النهار" المذاع على قناة "النهار": "المحكمة الاقتصادية قضت ببراءة مودة الأدهم ولكن يبدوا أنه لم يخلى سبيلها حتى الأن بسبب الاجراءات ولكن حنين حسام خرجت بكفالة 5 ألالف جنيه من قسم الساحل".

وأضاف: "في إيه أصعب من تجربة خاضتها بنوتة صغيرة زي حنين حسام عشان تهدى؛ مخدتش كان ساعة بعد خروجها وطلعت على تيك توك وواضح أنها راجعة أسخم من الأول".

وتابع: "كنت سعيد بأن فتيات صغيرة لن تكمل حياتها في السجن وتوقعت أن تخرج الفتاتان ويعيدان الحسابات ولكن حنين حسام فاجئتنا؛ لم تتعظ مما حدث وقامت بعمل فيديو على تيك توك حتى تقول للناس أنها عادت".

وواصل: "انا مش مصدق أن في كدة وهي في العربية قبل ما تروح عملت تيك توك؛ واحد تيك توك في السريع عشان تقول للناس أنا راجعة؛ الفترة اللي فاتت دي ولا حاجة".

واختتم: "خرجت قالعة الحجاب؛ ودة قرار شخصي ليها؛ كانت طول الوقت بتطلع بطرحة على دماغها؛ كل الفيديوهات اللي عملتها بعد ما طلعت من الحبس كانت بدون الطرحة؛ مفيش رحمة طلعت أمباح وعملت فيديوهات؛ أنا خايف مفيش انها تشوف أهلها أوتراجع نفسها".