ميدو يوضح حقيقة إيقاف برنامجه «أوضة اللبس»
رد أحمد حسام ميدو، نجم نادي الزمالك، على شائعات إيقاف برنامج "أوضة اللبس" والذي يقدمه على قناة "النهار"، وأسباب غيابه عن الظهور في الأسبوع الماضي واختفاؤه تمامًا عن الساحة الإعلامية ومواقع التواصل الاجتماعي.
وغرد ميدو عبر حسابه الشخصي "تويتر": "صباح الخير..أمي بقالها اكتر من أسبوع في المستشفى معزوله..خلوا بالكوا من نفسكم ومن اهلكم المرض ده صعب على الناس الكبار جدا مشاكل في النفس ونقص في نسبة الأكسجين في الدم والأدوية المضاده بتجيب اكتئاب لكن الحمد لله النهارًده هي احسن..أدعولها وخلوا بالكوا من نفسكم"
وتابع: "انا اللي نزلت وديت أمي المستشفى واختلطت بناس كتير عندها كورونا فعلشان كده مانزلتش الشغل الحمد لله النهارده طلعت نتيجة المسحه سلبيه".
وتابع: "بعتذر للناس كلها على عدم ظهور #أوضة_اللبس الاسبوع ده وان شاء الله العودة بكره بسهرة جديدة مع أوضة اللبس ١١ م".
