بعد الجدل على السوشيال ميديا.. القصة الكاملة لزواج «رضوى الشربينى» سرًا

ثارت حالة من الجدل على مواقع السوشيال ميديا، خلال الساعات القليلة الماضية، بعدما تم نشر شائعة تفيد بزواج رضوي الشربينى، من زوج الإعلامية منى الشاذلى، ما تم تداوله بسرعة بين المتابعين، ولكن سرعان ما قامت رضوى الشربينى بتوضيح الحقيقة، مؤكدة أنها تعلم من وراء هذه الشائعة.

نفت رضوي الشربنى زواجها سرًا، مؤكدة أنها عندما تتزوج سوف يكون ذلك فى العلن، وقالت فى فيديو على صفحتها الرسمية بـ "فيس بوك": «أنا مش مرتبطة ولما هرتبط كل الناس في مصر هتعرف.. مش مصر بس ده الوطن العربي كله هيعرف.. عشان أنا مش الست اللي بتعمل حاجة في الخفاء.. الجواز مش حرام ومش عيب، لكن أنا دلوقت مش مرتبطة خالص، بقول ده لأن في شخص مش محترم طلع عليا إشاعة مش محترمة.. لو أنت مبتحبنيش طلع اللي أنت عايزه مش هتكلم، لكن متضرش ناس تانية معايا، ليه تضر عيلة كاملة وراجل وست محترمين ملهمش ذنب، الناس دي إخواتي فعلا».

تابعت: «في ست تقبل إنها تتجوز راجل متجوز لكن أنا لا أقبل ده، مهما حصل، كل الناس يعرفوا هي مين رضوى الشربيني، وإن أنا نصيرة المرأة وبقول لكل ست ابعدي عن كل راجل متجوز، فأنا مش هكون أول ست تكسر قلب ست زيي، أنا مش مرتبطة وبربي بناتي وبشوف شغلي ومشاكل الستات واللي بنقدر نحله بنحله، ولما أتجوز هعلن للدنيا كلها».