نهاد أبو القمصان عن زواج «درة»: التعدد مؤذى للجميع
قالت المحامية نهاد أبو القمصان فى منشور لها على صفحتها الرسمية بـ "فيس بوك"، تعليقًا على زواج الفنانة درة برجل الاعمال هانى سعد، كزوجة ثانية :«دول عربية وإسلامية كثيرة حاطة قيود على تعدد الزوجات علشان تقفل باب الحجج ، اللى عايز يراعى اليتامى مش لازم امهم فوق البيعه .. واللى شايف مراته مقصرة.. ربع الدلع والمجهود اللى هيعمله وهو بيرسم على الثانية ويعطف ويلطف يعمله مع الاولى ويصلح حياته ».
وأضافت فى منشور له: «التعدد مؤذى للجميع بمن فيهم الراجل اللي بيحول نفسة لمحفظة فلوس.. ويعلم كل واحد من ولاده يدور على مصالحة.. وياما رجالة كان عندهم بيتين ولما تعبوا ضاقت الدنيا فى وشهم ومفيش بيت وتحد من البيتين اتفتح له».
كانت الفنانة درة، ردت على الشائعات التي نالتها منذ عقد قرانها، أول أمس، على رجل الأعمال المهندس هاني سعد، بعد تردد بعض الأنباء عن زواجها من رجل من متزوج لتكون الزوجة الثانية، وهذا لا يتطابق مع القانون في تونس
وفي أول تعليق لها، قالت درة، في تسجيل صوتي لإذاعة "موزاييك" التونسية، : "بشكر الناس اللي فرحوا لي واللي باركو لي، كنت أتمنى يحضر صحابي من تونس وكل الناس تكون موجودة، بس ظروف كورونا، حبيت أقول أني متزوجة رجل مطلق وليس متزوج، وأقول للناس اللي بينشروا الشائعات ويصطادوا في المياه العكرة ربي يهديهم".
وتابعت: "ودي حياتي الخاصة كل إنسان حر في حياته الشخصية وحر في اختياراته الشخصية في الحياة بتاعته، يعيشها هو بظروفه، وأنا اخترت رجل يحبني وأحبه، ونكمل مع بعض المشروع الطبيعي اللي ربنا وجهنا ليه، وده معناه الناس تبطل كلام علينا، وإن شاء الله تونس تكون بخير".
