رانيا يوسف تعلق على إطلالتها بالمهرجانات: "إحنا جايين ننبسط"
علقت الفنانة رانيا يوسف على الجدل المثار في مهرجان الجونة حول فساتينها، بعد أن أثارت الجدل في ظهورها الأخير مع ابنتها في حفل ختام مهرجان الجونة.
قالت رانيا يوسف في لقاء لها مع الإعلامية لميس الحديدي ضمن سهرة خاصة على قناة "ON" بمناسبة ختام فعاليات مهرجان الجونة السينمائي في نسخته الرابعة، مساء اليوم الجمعة: "إحنا جايين ننبسط ونلبس ونتشيك، والمشاكل اللي حصلت على فساتيني الحمد لله مشاكل حلوة ودمها خفيف مشاكل شقية ماينفعش يبقى كله غم غم مفيش فرفشة".
تابعت الفنانة: "عمري ماشفت فساتيني مأفورة أنا شايفها عادي، أنا مش جاية أعمل شو شغلي بيتكلم عني لكن المهرجان يعني شياكة ولبس والمهرجان نفسه شو يعني فساتين ومجوهرات".
وحول انزعجها من السوشيال ميديا، قالت: "أنا مش ببص على أي حاجة سلبية اللي بيقلي حاجة نيجانتيف بشيله كله من دماغي مش الكومنت بتاعه بس، وأولادي بشجعوني على الشقاوة".
