السيسي: قوة الجيش عظيمة وقادرة على حماية أرض مصر
أكد الرئيس عبدالفتاح السيسى، على قوة الجيش المصري وقدرته على حماية الدولة من أي اعتداء، مشددًا على أهمية الوعي الذي لا يقل خطرًا عن أي معتدي يحاول أن ينال من الدولة المصرية، خاصة في ظل المحاولات المستمرة لتحريك الشعوب بحشد الرأي العام عن طريق التشكيك والافتراء والكذب.
وقال خلال كلمته في حفل تخرج عدد من الكليات والمعاهد العسكرية، اليوم، إن «قوة الجيش مفيش فيها كلام ودايمًا بنقول بفضل الله.. محدش أبدًا من الخارج يقدر يعتدي على مصر، أولاً لأننا مش بنعتدي على حد، وثانيًا قوة الجيش عظيمة إن شاء الله وقادرة على حماية أرضها وترابها ضد أي معتدي».
وقدم الرئيس التحية والتقدير والاعتزاز للأسر وأولياء أمور طلبة الكليات العسكرية، الذين سهروا وربوا وأنفقوا على أبناءهم ثم قدموهم لخدمة بلدهم مصر عشان أبنائهم يبقوا مسئولين عن حماية هذه الدولة وأمنها وسلامتها، وهذا أمر عظيم من أسر الطلبة، وفي النهاية يقدموا أبنائهم لأجل خاطر مصر»، متوجهًا لهم بالشكر.
ووجه السيسى التحية للخريجيين الجدد من الكليات والمعاهد العسكرية المختلفة، قائلا: «المهمة التي تدربتم وتم تجهيزكم لتنفيذها من أشرف المهام».
وأضاف الرئيس السيسي: «مهمة حماية وطن وترابه وحماية أهله وناسه أمر شريف وعظيم قوي، والحقيقة الذي يقدم من أجل حمايته هي الروح والدم، مبيتقدمش جهد وعرق وسهر بس، لأ، ده بيتقدم روح ودم وأعتقد إن الحياة أغلى ما يمتلكه الإنسان».
وطالب السيسي، الخريجين الجدد بالعمل والالتزام والانتباه باعتبار ذلك أمر في منتهى الأهمية وكذلك العلم والتحصل به.
وقال الرئيس: «محتاجين تبذلوا جهد مع أشقاءكم المجندين في وحداتكم فيما يخص موضوع الوعي باعتباره موضوع مهم وخطير».
وتابع السيسي حديثه للخريجين الجدد قائلاً: «موضوع الوعي مهم وخطير، وهي مهمة تضاف لما تبذلوه وهو بناء وعي حقيقي لأخوك المجند اللي جاي يقعد معاك سنة أو أكتر عشان هو كمان يساهم بوعيه مع أسرته، مافيش تحدي بيقابل بلدنا والبلاد المستهدفة بأجيال الحرب الحديثة إلا بمقابلتها بوعي حقيقي».
وأضاف السيسي: «أنا بكرر الكلام ده كتير والناس بتسأل ليه الإلحاح في الإشارة للخطر ده، لأنه في الحقيقة لا يقل خطر عن أي معتدي يمكن أن ينال من الدولة أو يعتدي عليها لأن الهدف في النهاية وبقول ده لأولياء الأمور والأسر والقضية كلها ازاي يحركوا الشعوب لإيذاء بلدهم، وكل القضايا والمشاكل في الدول لن تنتهي لأنها سنن من سنن الدنيا مفيش مطلق دولة كاملة، لكن الفكرة ازاي أحشد الرأي العام بالسلب من خلال التشكيك والافتراء والكذب ودي مهام تضاف للجيش والشرطة لأبناء مصر من المجندين وياريت تعملوا ده وتبقوا فاهمينه كويس أوي، واحنا قولنا الكلام ده من 7 سنين لازم ندرس في كلياتنا يعني إيه دولة وازاي نحافظ عليها».
وأضاف الرئيس السيسي: «ألف مبروك وموفقين.. ودائمًا بصحة وسلامة عافية وقوة لأجل خاطر بلدنا مصر وحمايتها.. ربنا يوفقكم ويحفظكم.. شكرًا جزيلا».
