محل مجوهرات يقدم هدية ذهبية لـ"سيدة قطار المنصورة" (صور)
قدم أحد محلات المجوهرات بمحافظة المنوفية، هدية للسيدة صفية إبراهيم بطلة قطار المنصورة والتي تدخلت لدفع تذكرة القطار مجند عقب مشاجرة مع الكمسري.
وكتبت الفنانة رانيا يحيى عبر صفحتها الرسمية على "فيس بوك" مع نشر الصور: "ست الكل مامتنا صاحبة موقف القطار.. حابة أشكر أصدقائي في محل المجوهرات اللي دايما عند حسن ظني أول ما كلمتهم وقولتلهم يوفروا هدية لست الكل عشان نفرحها خاصة إنها في المنوفية النهاردة وهما هناك ما اترددوش".
وأضافت: "عاوزة أشكر شباب المنوفية الرجالة اللي اتحركوا زي الدينامو عشان يجمعوا بعض ويروحوا يشكروها ويستلموا الهدية من مكان بعيد عن مكانها وأول ما وصلوا خلوني أكلمها فيديو كول عشان أقولها إنها على راسنا".
واختتمت:"اعتبروها شو اعتبروها زي ما تعتبروها لكن هدفنا الوحيد كان الوصول للست دي وشكرها ولو بأقل إمكانيات وحلفت وافتكروا دايما إن الخير دايرة مقفولة فرح غيرك هتفرح".
