"مفيش كافيهات ومفيش جيمات".. فتاة تعرض نفسها للزواج على "فيس بوك"

حالة من الجدل أثارتها فتاة تدعى مها أسامة تبلغ من العمر 32 عاما، بنشر مقطع فيديو، عبر حسابها على "فيس بوك" تعرض خلاله نفسها للزواج.

وتحدثت الفتاة في بداية الفيديو، عن أوضاع الحياة الحالية في زمن كورونا، من غلق لصالات الجيم، مؤكدة أن فرص التعارف انعدمت بعد إغلاق الكافيهات وقاعات الأفراح.

وعلق عمرو أحد مغردي "تويتر" على ذلك الأمر قائلا: "مها أسامة بنت بتطلب الزواج من خلال الفيس بوك ومن يرغب في الزواج منها يتقدم لها.. ليس من الحرام ولا من العيب عند من يعقل أن تعرض المرأة نفسها على صاحب الخلق والدين ليتزوجها.. وإن أنكر ذلك أحد فإنما ينكره لا بميزان الشرع بل بميزان العادات والتقاليد والأعراف".

بينما قالت علا عمر: "فكرة الفيديو غير صائبة بالمرة لأن مافيش فلتر على العرض فالاختيار هيكون أصعب وأكيد هيجى عروض كتير لكن للأسف ولو حد شخص كويس أو classy أو راجل مايترفضش بلغة الصالونات مش هيختار بالطريقة دى لأنه مايعرفكيش كويس الحياة مش هتمشى بصباح الخير يالا نتجوز".

وقالت الفتاة في فيديو انتشر على منصات التواصل الاجتماعي: "أنا مها أسامة وبعرض نفسي للجواز على الفيس يوم اللي مهتم يبعتلي إنبوكس وأي قلة أدب هستخدم إجراء قانوني، عارفة أن اللى هقوله هيبقى ليه تبعات كتير جداً، بس أنا درست قراري كويس".

وأضافت: "أنا مها أسامة عندي 32 سنة، وعارضة نفسي للجواز على الفيس بوك، وعارفة أنا القرار مش سهل وهيجيبلي مشاكل كتير"، ثم استكملت حديثها بقولها: "مفيش خروج ومفيش كافيهات ومفيش جيمات والدولة شايفة أن ده الصح عشان تحافظ على صحة مواطنيها، والطبيعي دلوقتي أن كل بني آدم يعمل اللي هو شايفه صح.. زي ما الدولة عملت وخدت الإجراءات عشان تحافظ علينا كل واحد يعمل اللي شايفه صح اللي يحافظ على سلامته".

ثم ختمت مها كلامها بالتأكيد أنها لا تريد أشياء كثيرة سوي أن الشخص التي تريد أن ترتبط به يكون جاد ويريد الزواج ومحترم، حيث قالت إنها "كانت ممكن تعمل زي البنات اللي على التيك توك اللي هي بتلبس لبس غير محترم وبتعمل حركات غير محترمة بس أنا أعلى من كدا عشان كدة عارضة نفسي للجواز على الفيس بوك واللي شايف نفسه جاد يبعتلي أنا مش هتكلم عن نفسي كتير ومش هقول تفاصيل بس اللي مهتم يعرف تفاصيل هيعرف يوصلي إزاي".