مجلس الأهلي يخرج عن صمته: "عيل مستجد ينشر الفتن ويجب استئصاله"
خرج محمد سراج الدين، عضو مجلس إدارة النادي الأهلي، عن صمته، برسالة غامضة آثارت تساؤلات الجماهير على مواقع التواصل الاجتماعي، في ظل التراشق الدائر مع المسشار تركي آل الشيخ رئيس هيئة الترفيه السعودية.
وكتب سراج الدين عبر حسابه الشخصي على موقع التواصل الاجتماعي "فيس بوك": "بعيد عن الكورونا ربنا يحفظنا ويسلمنا منها جميعاً في فيروس عجوز موجود من زمان في قطاع الرياضة في مصر وفي فيروس تاني عيل لسه مستجد من الخارج".
وقال سراج: "الفيروسات دي بتنشر فتن وقرف ومشاكل طول الوقت في الرياضة وبين الناس وبين بعض وبين أكبر جمهورين في مصر اللي أنا واحد مرضاش بإحداث أي نوع من أنواع الفتنة بينهم بأي شكل من الأشكال".
وتابع: "إحنا في النهاية ولاد بلد واحدة نختلف اه نهزر مع بعض آه لكن تطاول وأذى ده منبوذ ومرفوض بالنسبالي من الجانبيين".
وأردف: "المشكلة أن الفيروسات دي مختلفة عن الكورونا في حاجة وهي إن لها علاج بس العلاج لازم يجي من الدولة ويكون جذري الدولة اللي أنا بحترمها وبقدرها".
وأوضح: "عشان محدش يزايد عليا انا ابن مؤتمر الشباب ودايماً بكون فخور بده وظهوري الأول هناك في ٢٠١٦ وعرضي لأفكاري كان دفعة ونقلة ليا في أمور تانية كتير مؤتمر شباب مصر اللي كله طموح وتفاؤل وفكر ونقاء مش أجواء عشوائية وفتن وبلطجة تعوق الواحد عن أهدافه وطموحه الحقيقي لرفعة بلده وناديه المفضل أتمني يكون في مستمع لأن فاض الكيل.. اللهم بلغت اللهم فاشهد".
