تامر حسني ينهي خناقة "شاكوش" وعمر كمال على "بنت الجيران"
أدار تامر حسني جلسة صلح بين مطربي المهرجانات حسن شاكوش وعمر كمال، اللذين أثارا ضجة كبيرة خلال الأيام الماضية بسبب الخلاف الذي نشب بينهما على مهرجان "بنت الجيران".
ونشر عمر كمال صورة لهم بصحبة الفنان تامر حسني وكتب عليها: "الصلح خير بمناسبة إن إحنا فكرنا غلط وحطينا جملة في الأغنية خلت ناس كتير يزعلوا مننا، بنعتذر لكل الناس إحنا آسفين، وفرحان أوي بنصيحة أخونا والنجم الإنسان تامر حسني اللي صالحني على أخويا وحبيبي النجم حسن شاكوش، وطلب مننا تغيير الجملة فورًا وحطلنا بدالها جملة (بعدك مش هعرف أعيش)".
وأضاف: "بنشكره عشان نصحنا بتغير الجملة ونصحنا بالاعتذار ومضربش فينا زي ناس كتير.. وبنوعدكم أنا وأخويا حسن شاكوش بعد كده هنغنيها بالجملة الجديدة نرجوا قبول اعتذارنا شكراً ليكم".
ونشب خلافا بين المطرب عمر كمال ومطرب المهرجانات حسن شاكوش، حول أغنية "بنت الجيران" بعد قيام الأخير بنسبها لنفسه، وتغيير عنوانها على موقع يوتيوب، وعدم ذكر الأول في أي لقاءات أو مداخلات تليفزيونية.
