السيسي يُطمئن المصريين: "محدش يقدر يعمل فينا حاجة"
قال الرئيس عبدالفتاح السيسي، خلال كلمته في احتفال قداس عيد الميلاد المجيد، الاثنين: "أنا شايف المصريين قلقانين.. أنتم قلقانين من إيه.. مفيش مجال للقلق لسبب واحد؛ والسبب إن إحنا مع بعض وطول ما إحنا مع بعض محدش يقدر يعمل فينا حاجة".
وأضاف السيسي: "ربنا أراد إننا نكون في ظروف صعبة لكن ده لينا وعلينا.. لينا إننا نخلي بالنا وننتبه ونلاحظ ونقول إن كان ممكن يبقى حالنا كده، لكن علينا إننا نخلي بالنا من بلدنا، وطول ما الشعب المصري إيد واحدة وطول ماحنا مع بعض ماحدش يقدر يعمل معانا أو فينا حاجة".
ووصل الرئيس عبد الفتاح السيسي إلى كاتدرائية ميلاد المسيح بالعاصمة الإدارية الجديدة لتهنئة البابا تواضروس والأقباط بعيد الميلاد المجيد، حيث كان في استقباله البابا تواضروس وعدد من أساقفة الكنيسة القبطية.
ويرأس البابا تواضروس الثاني بابا الإسكندرية وبطريرك الكرازة المرقسية، قداس عيد الميلاد المجيد.
