أحمد السقا: الغرب صدر لنا التكنولوجيا عشان فرق تسد

أكد الفنان أحمد السقا، أن هناك مواصفات يجب أن تتوافر في الناقد الفني، مشيرا إلى أن من لا تتوافر فيه هذه المواصفات سوف يقدم انطباعات شخصية وليس نقد.

وقال السقا في مقابلة مع برنامج "حبر سري" المذاع على قناة "القاهرة والناس": "في فرق بين النقد والانطباعات الشخصية، النقد أنا دلوقت بشتغل ودارس تمثيل وإخراج ونقد فني وجزء من التصوير السينمائي واللي ينقد عمل فني لازم يكون دارس اخراج وتمثيل ومونتاج ونقد وموسيقى تصويرية ولازم يبقي دارس اللي انا مدرستوش".

وأضاف: "هناك فارق بين النقد والانطباعات الشخصية في واحد قاعد ورا شاشة مبيحبنيش ودا حقه، ولكن مش من حقه أنه يوصفني بحاجة مش كويسة أو أنه يهين أهلي أو أبويا او عيلتي". 

وتابع: "الناقد عمره ما يهين ولكن اللي بيحصل أنا بطلت أبص إلا على الحاجات اللي فيها إيجابيات وحتى في التعليقات لقيت حد من الشباب اللي اجتهد ودرس وفاهم، ولقيته كاتب حاجة لفتت نظري وأنا بعتله وطلبت منه أني أفهم وجهة نظره واتواصل معايا واتقابلنا وفهمت وجهة نظره وطلع هو صح".

وواصل: "اللي اتقال كتير وبلاش نقعد بقي نحفر في القبور زي ما بيقولوا، الميديا أصبحت صناعة وهي في الأساس صناعة اسمها سلعة ثقافية، السلعة شق اقتصادي فلوس لازم تجيب فلوس وثقافية دي مضامين، وهي صناعة وكانت مصدر الدخل القومي نمرة 2 بعد القطن في الستينات".

وأكمل: "إحنا بدأنا مع الأمريكان خطوة بخطوة وأول كاميرا سينما صامتة دارت كانت هنا في اسكندرية واحد إيطالي اللي عملها".

واختتم: "الغرب صدر لنا كل التكنولوجيا دي عشان فرق تسد، يمكن واحد في المليون يطلع عنده كلمة صح، ولكن بقي اللي بيتكلم عن الأب والأم والعيلة هو خصيمي أمام الله يوم الدين".