حسين فهمي يوضح حقيقة خلافه مع الفنانة هند عاكف
كشف الفنان حسين فهمي عن حقيقة خلافه مع الفنانة هند عاكف ورفضه التقاط صورة معها خلال مهرجان القاهرة السينمائي.
وقال فهمي في مقابلة مع برنامج "العرافة" المذاع على قناة "النهار": "هي فنانة مشرفة وبحترمها كل الاحترام ولكن مبحبش التصرفات الخارجة عن التقليد، لبست فستان جات بيه افتتاح المهرجان وأنا رفضته تماما يعني وكان عليه صورتي مفهمتش يعني أيه".
وأضاف: "السنة اللي بعديها قالتلي خلاص انا هلتزم واسمع الكلام وقلتلها وهي بنت حلال ولما متصورتش معاها المرة التانية كان في حد هيصور وطريقة التريندات وأنا مبحبش كده".
وتابع: "انا مبحبش الطريقة دي ورفضتها وقلتلها ياهند أهدي بقي وهي بنت حلال وطيبة وجواها كويس ولكل ليها حاجات شعنونة كده".
وعن خلافه مع الفنانة نبيلة عبيد، قال فهمي: "اللي حصل إن كان في أفيش لفيلم قصاقيص العشاق وأنا شفت الأفيش المعتمد من الرقابة وفوجئت أن في أفيش تاني في الشارع وانا اضايقت وكلمتها وبعدين اتصالحنا واتقابلنا مرة بعدها في الطيارة وجات في الكرسي اللي جنبي".
وأوضح: "الأفيش اللي نزل معجبنش والأصلي كان احنا الاتنين قد بعض، واللي أنا فهمته أن نبيلة عملت أفيش تاني على حسابها ونزلته كده".
منتج الفيلم اتسجن واحنا بنصور وبعدين المخرج سعيد مرزوق اتدخل في السيناريو ووحيد سيف كان كاتب السيناريو واعترض والفيلم في الآخر مبقاش ليه صاحب، أخدت أجري في الفيلم ولكن مش كله لأن المنتج اتسجن.
