أحمد موسى: أي واحد عاقل النهاردة لا يذهب إلى واشنطن أبدا

علق الإعلامي أحمد موسى على المشادة التي حدثت بين الرئيس الأمريكي دونالد ترامب ونائبه من جهة والرئيس الأوكراني فولودمير زيلينسكي من جهة أخرى.

وقال موسى خلال برنامج "على مسؤوليتي" المذاع على قناة "صدى البلد": "امبارح هو المسلسل الأهم في رمضان لو قلتلي أيه أهم حاجة في رمضان هقولك اللي حصل امبارح في واشنطن، الخناقة أو صراع الديوك اتنين على واحد فانس وترامب على زيلينسكي".

وأضاف: "عمرنا ما شوفنا في تاريخنا ولم نشهد هذا المشهد في أي مكان في العالم مسألة جديدة ولكن هذا هو الرئيس الأمريكي ترامب وهذا هو نائب الرئيس جي دي فانس وهو شخص خطير جدا".

وتابع: "بالمناسبة كان جي دي فانس هو اللي بدأ وقال لزيلنسكي أنت جاي تهاجمنا قدام الإعلام، للأمانة أي واحد عاقل النهاردة لا يذهب إلى واشنطن أبدا، ترامب الناس بتروحله عشان يبهدلهم وعلى فكرة عمل مع ستارمر رئيس وزراء بريطانيا بعض الحركات بردو".

وواصل: "ترامب بيعمل مشاكل كتيرة مع الناس واللي حاصل ده مسألة لا ليها علاقة بالدبلوماسية وترامب زق زيلينسكي تلات مرات وجاب ماكرون مقعده جنب الطرابيزة يوم الاتنين اللي فات وأي حد بيروح واشنطن هيبقي في مشكلة".

وأوضح: "المشهد اللي قدامنا عبثي ويشوه صورة أمريكا ويورينا أنه لا ثقة على الإطلاق في التعامل مع الإدارة الأمريكية.. أمريكا قرروا هذا رجل رايح لهم ضيف وقبل ما يجي مقسمين هيخدوا منه المعادن اللي عنده وقاله هناخد حاجات بتريليون دولار".

وأكمل: "زيلينسكي رغم المشهد ده الراجل قرر أنه يخوض معركة حتى لو كانت خاسرة بيدافع عن بلده مفيش رئيس بيعمل مع رئيس كده بيحط أيده على كتف زيلينسكي 3 مرات وشبه طرده مع البيت الأبيض".

واختتم: "منتهي الإهانة خرجت معاه كبيرة مسؤولي البيت الأبيض وركب الراجل ومشي وبعد ما ركب العربية عمل مكالمتين مع ماكرون الرئيس الفرنسي ومع أمين عام حلف شمال الأطلسي ثم عمل اتصال مع رئيس وزراء بريطانيا".