عمرو أديب: مصر رفضت التطبيع مع إسرائيل ومجاش رئيس قال للناس طبعوا
أكد الإعلامي عمرو أديب أن هناك اتفاقية سلام بين مصر وإسرائيل ولكنها لم تقم بالتطبيع، مشيرا إلى أن المصريين يرفضون التطبيع بشكل كامل وأن إسرائيل لازالت دولة احتلال.
وقال أديب خلال برنامج "الحكاية" المذاع على قناة "إم بي سي مصر": "إحنا عندنا اتفاقية سلام مع إسرائيل ولكن إحنا معندناش تطبيع ومش هنطبع أنا مقدرش أقول للأهلي أو الزمالك روح العب ماتش في القدس".
وأضاف: "عندنا فرقة للفنون الشعبية بتاعة متشولح جاية تعرض هنا في الأوبرا، أنا وقفت في المعبر وأنا داخل رام الله خناقة قلتلها متختميش الباسبور راحوا عاملين أيه قفلوا المعبر وخدونا كده على أوضة وقلتلهم أنا مش عايز الختم بتاعك".
وتابع: "مجاش رئيس منذ اتفاقية السلام قال للناس طبعوا، السلام ماشي لكن الحب مش إجبار أنت بتعمل إيه عشان أحبك وعشان أطبع معاك إحنا مغيرناش المنهج وقلنا للطلبة في المدارس حب إسرائيل".
وتابع: "في النهاية الخطوط الأساسية للاتفاقية الطرفين ملتزمين وبيكلموا بعض وحصل كذا واحنا عندنا حدود ومشاكل بتحصل وهما بيجيوا عندنا هنا وبنروح عندهم ولكن الشعب المصري لا يطبع المصريين ضد التطبيع".
وأوضح: "الإسرائيلي لما يشوفك برة في أي حتة بيوصل لمرحلة أنه بيحاول يعملك فخ، تسأله اسمك إيه يقولك اسمي إسحاق طيب ساكن فين يقول جنبكم طيب فين في أي بلد؟ تلاقيه مكسوف لأن عارف أنك بتكرهه".
