السيسي: المياه عندنا مش كتير.. ومش هنقدر نزودها إلا بمعالجتها أو تحلية البحر

قال الرئيس عبد الفتاح السيسي، إن البرنامج الذي وضعته الدولة المصرية الهدف منه تحقيق القدرة علي الانطلاق لمستقبل أفضل، وبذلنا جهدا كبيرا خلال الفترة الماضية نتيجة توقف عجلة التنمية الحقيقية لسنوات طويلة وإحنا نقدر ونعمل ونغير ونكبر".

وأضاف الرئيس السيسي، خلال تفقد الأكاديمية العسكرية المصرية: “خلال الـ10 سنوات الماضية تأهيل وبنية للدولة وتحقق تنمية على مستوى دول نامية وليس دول متخلفة.. ولو تحدثنا فى مشكلة المياه والري.. حجم المياه اللي إحنا بنعالجها معالجة ثلاثية متطورة.. بتكلفة كام ووفرت مياه قد إيه.. دول 3 أمثلة.. محطة المحسمة تعالج مليون متر مياه فى اليوم.. ومحطة بحر البقر تعالج 5.7 مليون متر مياه فى اليوم.. ومحطة 3 مايو تعالج 7.5 مليون متر مياه فى اليوم.. دول 3 أمثلة فقط.. هذه عوائد ممكن تشوفها.. فين الأسعار اللي مش عاوزه ترخص بالشكل الذي يرضي المصريين”.

واستكمل: "طب المحطات دي نستفاد منها.. المياه اللى عندنا مش كتير.. ونعاني من فقر مائي.. مش هنقدر نزود المياه إلا بمعالجة المياه أو تحلية مياه البحر.. ونعمل فى الملفين".