عاجل| الرئيس السيسي: أنبوبة البوتاجاز تمنها 340 جنيه.. وبنبيعها بـ150
قال الرئيس عبد الفتاح السيسي، إن الدولة تعمل على زيادة المياه المحلاة والمعالجة لمواجهة الفقر المائي.
وأضاف الرئيس السيسي، خلال تفقده الأكاديمية العسكرية فجر اليوم، الجمعة: "مهم أوي في المستوى اللي إحنا بنتكلم فيه دلوقتي، إن إحنا نبقى عارفين إن مقومات الدولة هي اللي بتحدد قدرة الدولة على تقديم خدمة ومستوى معيشة مناسب للمواطنين".
وتابع الرئيس السيسي: "الموضوع مش مرتبط فقط بإرادة سياسية أو إرادة حكومة فقط، مفيش شك إن مفيش مسؤول على أي مستوى مش عاوز يقدم أفضل حاجة لشعبه، لازم نكون كلنا النقطة دي منتبهين منها.. ولكن يا ترى الظروف والإمكانيات اللي عندنا تقدر تحقق لنا ولا لا؟ نحدد بعض النقاط اللي مرت على مصر خلال العشر سنين اللي فاتت، وبقول لكم كلكم، لو عاوزين الإجابة تبقى أكثر يسرا ليكم، لو أي حد تعرض لمشكلة، أي بيت تعرض لمشكلة، المشكلة دي بيبقى لها تأثير على البيت دا لفترة".
وتابع: “تفتكروا أنبوبة البوتاجاز تمنها كام؟ بـ340 جنيه.. بنبيعها بـ150، وفي 2011 و2012 احتياطي البنك المركزي كله خلص، واختزال مجهود الدولة في شبكة الطرق فقط يوضح أننا كدولة لم نستطع إيصال المجهود الضخم الذي تم تنفيذه، مقومات الدولة هي التي تحدد الخدمات التي تقدمها للمواطنين، والـ 10 سنوات اللي فاتت كان هدفنا نعمل بنية تحتية لدولة تريد أن تكون دولة حديثة”.
وأكد الرئيس: “إحنا نقدر مع بعض نعمل ونغير ونكبر لو إحنا فهمنا، وقطاع النقل أنفق 2 تريليون جنيه عشان يبقى فيه طرق ومونوريل وشبكات مترو.. ولو أنت شفت القاهرة في 2011 وفضلت زي ماهي كان زمانها جراج بدون اللي حصل”.
