عمرو أديب يعلق على اعتراضات حزب النور على مادة بقانون التضامن الجديد

علق الإعلامي عمرو أديب، على اعتراضات حزب النور بشأن حرمان من يقوموا بالزواج المبكر وختان الإناث من الدعم النقدي في قانون التضامن الاجتماعي الجديد.

وقال أديب خلال برنامج "الحكاية" المذاع على قناة "إم بي سي مصر": "بالعقل أنت زوجت بنت عندها 11 سنة لشاب عمره 13 سنة وبعدين تيجي تقول أنا جبت عيال وعايز ضمان اجتماعي من الدولة".

وأضاف: "المتجمع لازم يشوف ظروفه هل إحنا لسة بنتكلم في كده؟ الناس اللي عندها 25-26-27 سنة مش عارفة تفتح بيت لغاية النهاردة وأرجو أننا نتجاوز الأفكار الغريبة دي".

وتابع: "الدين مقالش يبقي في فقر أو عوز أو نرمي العيال في الشارع ومش عارفين نربيهم الدين قال إن يبقى في دولة قوية وعائلات قوية ومستواها الاقتصادي جيد ومقالش نجيب عيال وإحنا عيال ومنقدرش نصرف عليهم".

وأوضح: "العالم تجاوزنا كثيرا وانت لسة عايش على موضوع عندها تسع سنين والختان معقولة ياجماعة؟ هو دا الدين؟ هي دي الدولة القوية اللي عايزين نبنيها؟".

واعترض النائب أحمد حمدي خطاب عن حزب النور على معاقبة كل من يجري ختان الإناث أو الزواج المبكر بوقف الدعم عنه، قائلًا: "إغلاق باب الختان بالكامل يسمح بفتح باب العمليات بشكل غير رسمي ولغير الأكفاء". 

وأكمل نائب حزب النور: "هناك حالات تحتاج إلى الختان طبيًا، ولا يوجد نص شرعي يمنع الختان".

 وذكر: "من يتجه لزواج ابنته مبكرًا لعدم قدرته على تعليمها أو الإنفاق عليها، هناك واقع يجب التعامل معه، وطباع الناس مختلفة".