أحمد موسى: التليفزيون الإسرائيلي يبث من داخل سوريا بموافقة الجولاني

أكد الإعلامي أحمد موسى أن التلفزيون الإسرائيلي أصبح يقوم ببث مباشر من داخل الأراضي السورية، مشيرا إلى أن ذلك يحدث بالتنسيق مع أبو محمد الجولاني قائد المليشيات المسلحة.

وقال موسى خلال برنامج "على مسؤوليتي" المذاع على قناة "صدى البلد": "لأول مرة القنوات الإسرائيلية تطلع بث مباشر زيهم زي القنوات العربية بيقولك حصري من دمشق مع الاحتفالات".

وأضاف: "طالع على الهواء من دمشق ويستضيف ناس موجودة والإسرائيلي بقي معاك النهاردة؟ الإسرائيلي سمح له بالتواجد على الأراضي السورية؟ هل للدرجادي فرطتوا في البلد؟ هل للدرجادي تصالحتوا مع العدو اللي بيقتل فيكو اللي بيدمر جيشكم تصالحتوا معاه وسامحتوه؟".

وتابع: "عمالين توجعوا قلبنا بقالكم 30-40 سنة هتلاقي العيال الهربانين بتوع تنظيم الإخوان الإرهابي مش هيجيب اللقطة دي، سمحوا للإخوان والقاعدة والدواعش اللي كانوا بيقطعوا رقاب الناس وكان بيكلمك على إسرائيل والعدو جنبك أهو كداعش واقف بتتكلم معاه".

وأكمل: "سمحوا ليهم والله العظيم عار فريق التلفزيون ده عشان يدخل هناك مرتبين مع الجولاني طبعا ولازم يكون معاهم تأمين يحميهم ودول بيبقوا عناصر مخابرات الموساد في دمشق موجودين بيحتفلوا معاهم".

وذكر: "شوفتوا اتعمل ايه في بلدكم؟ اتسلمت ازاي؟ لحقتوا تعملوا تطبيع بدون ما تخدوا حاجة طيب هتعمل تطبيع يبقي تاخد تمن بتقوله سيب أرضي ويبقي في صفقة انما محتل ارضك ودمر جيشك وبيقتل في العلماء في سوريا وأنت سامحله والموساد موجود عندك والاعلام بيشتغل عندك من قلب دمشق".