سر الطلب الإيراني الذي تسبب في انهيار نظام بشار الأسد
أكد الإعلامي عمرو أديب أن الإيرانيين طلبوا من الرئيس السوري السابق بشار الأسد إنشاء معسكر لتنظيم القاعدة على الأراضي السورية من أجل الضغط على الأمريكيين.
وقال أديب برنامج "الحكاية" المذاع على قناة "إم بي سي مصر": "مسؤول إيراني من كام سنة راح زار الرئيس بشار الأسد وقاله عايزين في سوريا يبقى في معسكرات في القاعدة وعايزين نلم القاعدة من كل الدول ونحطها في معسكر للقاعدة عشان نضغط بيه على الأمريكان".
وأضاف: "القاعدة دي مين اللي طلع منها النصرة واللي طلع منها أغلب الناس الموجودة دلوقتي، والرئيس بشار أكتر شيء همه يعني سأله عن تكلفة الناس دي وقالوله دي في رقبة إيران فوافق الرئيس بشأن الأسد على أن يكون هناك معسكر كبير للقاعدة وبعد كده عجبته القاعدة في موسكو".
وتابع: "الأشياء اللي تنتقص من الدولة تودي في 60 داهية قوي مسلحة برة الدولة قوى اقتصادية تدمر الاقتصاد مراكز قوي وفساد تودي الدولة في ستين داهية".
وأوضح: "هما العشر سنين اللي قبل كده اللي جبت فيهم القاعدة وسمحت بخبراء إيرانيين يشرفوا على الجيش والخبراء الإيرانيين في الأيام الأخيرة ملقوش جيش".
وذكر: "الدولة الطبيعية حدود واحدة جيش واحد عدالة وقضاء واحد تبقى دولة وغير كده أنت عندك مشكلة كبيرة تكون هش مثلما كانت الدولة السورية هشة في الأيام السابقة".
وغادر الرئيس السوري بشار الأسد البلاد بعد انهيار قواته أمام المليشيات المسلحة التي اجتاحت البلاد وسيطرت على العاصمة.
