اتفاق غير معلن.. عمرو أديب: بشار الأسد سافر بكل جرائمه

أكد الإعلامي عمرو أديب أن خروج الرئيس السوري بشار الأسد بشكل آمن ربما جاء بناء على اتفاق بين القوى المختلفة.

وقال أديب خلال برنامج "الحكاية" المذاع على قناة "إم بي سي مصر": "يبدو أنه كان هناك اتفاق؛ انا اسيبك تسافر بكل جرايمك وأنا اسيبك تحكم بكل تحفظاتي بشار الأسد سافر بكل مشاكلة بس اذهب بدون ضرب ولا مشاكل، والاتفاق التاني الجولاني والذين معه مش هقولك بقي أنت كنت إرهابي وداعش والنصرة بس الأيام الجاية عايز أشوفك هتعمل ايه".

وأضاف: "الاتفاق واضح وعشان كده الأمر انتهى بسرعة وكل الأشياء اللي انت شايفها دي بيت ماهر الأسد وكل الحاجات المتعودين نشوفها دي، ولكن دائما يجي في بالي سؤال الناس اللي بتحكم وتكنز فلوس ايه فكرة الفلوس؟ فلوس كتير أوي بتعمل لكم ايه؟".

وتابع: "دائما بعد أحداث زي دي نلقي أن في فلوس كتير أوي ودي جزء من غضب الناس والطائفة اللي كانت بتحكم 8-9% من البلد ولكن كانت تحكم كل شيء".

وأوضح: "أنا بس بقول لحضراتكم لازم تحط نفسك مكان المواطن السوري جايز ينبسط وجايز بيحسبها أن ده أفضل كتير من اللي كان موجود قبل كده وأكيد بعد شوية الناس دي هتبتدي تقوله في حاجات ينفع وحاجات لا وفي النهاية كدولة ربنا يكرمهم ويثبت أقدامهم ولا يتحول الأمر فجأة إلى نزاع على سلطة".

وواصل: "البلد دي كانت تحت حكم بشار الأسد 24 سنة وتحت حكم البعث 50 سنة لو كان في درس نتعلمه أن التغيير في السياسة له وقت لو معملتوش الوقت فات وفي وقت معين يمكن أن تنقذ كل شيء ودا اللي حصل في سوريا كان يمكن أن يكون هناك شيء ولكن بالعند والغرور أنا مش هغير وأنا مش هعمل لغاية آخر أيامه".

واختتم: "يجب أن احنا نفهم أننا بنشوف ده في التاريخ في توقيتات لو انتهي خلاص، للأخوة في سوريا الحق في تقرير مصيرهم وفي النهاية هما اللي هيتحملوا مسؤولية هذا الأمر".