عمرو أديب ساخرًا: الهرم فيه 2 مليون حجر فيها إيه لما واحد يتكسر؟
سخر الإعلامي عمرو أديب، من قيام إحدى الشركات المختصة بتغيير كابلات الكهرباء في الهرم باستخدام أدوات غير مناسبة لقيمة الأثر الكبيرة.
وقال أديب، خلال برنامج "الحكاية" المذاع على قناة "أم بي سي مصر": "المصريين ساعات يزودوا الحاجة كده ويبقوا أوفر بصراحة النهاردة الهرم في شوية حجارة كده بيعدوا كبل في إيه قلبوا الدنيا والحجارة وأوعى وبتاع حصل إيه مفيش أي مشكلة".
وأضاف: "الهرم فيه فوق الـ 2 مليون حجر واحد اتعور ولا اتكسر ولا حصل حاجة إيه يعني؟ وبعدين أنت تعرف تكسير حجارة الهرم دا الفن بتاعه إيه؟ والتكسير وسط السياحة وهما ماشيين والسايح بيبص انتوا بتكسروا إيه؟".
وتابع: "طبعا احنا ملناش علم في الموضوع ده دول بيكسروا فعلا الحجارة؟ النهاردة قالولنا إن كده صح ودي المونة القديمة والجديدة بس الاكادة أن مصر باتت منزعجة اليوم وهذا امر بنبسط منه أن المصريين لديهم هذه الانزعاجية الشديدة تجاه أثارهم".
وكان الدكتور أيمن عشماوي رئيس قطاع الآثار المصرية قد أكد في وقت سابق أن حجارة الهرم لم تصب بأي سوء مشيرا إلى أن ما ظهر في المقطع المصور كان يستهدف إزالة للمونة القديمة التي تثبت كابلات الكهرباء.
وأوضح عشماوي: "ما حدث كان عملية تغيير لكابلات قديمة وما قمنا به كان علاج، الشكل والصورة للتنفيذ مرفوضة تماما ولكن الأعمال كانت لمعالجة تراكمات من سنوات".
وأكمل: "نغير الإضاءة في الهرم والكابلات والإضاءة ولكن الصورة مرفوضة من الجميع ومن يقوم بالتنفيذ تابعين لشركة الكهرباء وكان من المفترض أن يكون بصحبتهم مفتش وتم محاسبته لأنه لم يكن متواجد".
