أحمد موسى: اللي يمشي في خط الإخوان يبقى زيهم.. وبكرة هتشوفوا حاجة مهمة

أكد الإعلامي أحمد موسى، أن تصرفات جماعة الإخوان الإرهابية تؤكد على صحة قرار الشعب المصري الإطاحة بهم من حكم البلاد.

وأوضح موسى، خلال برنامج "على مسؤوليتي" المذاع على قناة "صدى البلد": "كل يوم نتأكد من صواب وصحة القرار اللي كنا عارفينه ومتأكدين منه وكل يوم بيثبت أمام الـ107 مليون مواطن عدد سكان مصر عرفوا خيانة هذه الجماعة وتآمرها على البلد وعلى الشعب".

وأضاف: "اللي بيضرب النهاردة بيضرب في الناس بيعمل عند الناس زعزعة وهزة ووقيعة، ودورنا كلنا مع بعض أننا نواجه الحملات اللي بتستهدف الدولة المصرية، وعي الشعب الوحيد هو اللي بيصمد ويواجه هذه الحملات".

وتابع: "في استهداف طبعا في استهداف واستغلال لبعض القضايا، والأمور طبعا في استهداف واستغلال لبعض القضايا والأمور طبعا في استهداف، لما أنت تيجي تلاقي سين من الناس بياخد من مواقع معينة ويروج لهذا الأمر ولو أنا بقول كلمه بيقتطعوها ويخدوها من السياق بتاعها".

وواصل: "الموضوع بالنسبالي مبيبقاش فارق وياما حملات وكل ما ألاقي الحملات دي أقول موجوعين كل دول برة وجوة شغالين على واحد؟ اللجان الإلكترونية ومعاهم ناس تانية قاعدة جوة مصر وبيتحالف مع الإخوان الإرهابيين وبيمشوا معاهم في نفس الخط".

واختتم: "اللي يمشي مع جماعة الإخوان الإرهابية في خطها على طول يبقي زيهم وتصنيفه زيهم ومقدرش أقول عليه وطني الوطني ميمشيش مع الإخوان الوطني بيحب بلدة يقف مع بلده صامد في وقت صعب جدا، بكرة إن شاء الله هتشوفوا حاجة مهمة أوي بإذن الله تعالي".