عمرو أديب: مصر بتتنفس اقتصاديا.. عيشنا أيام سودة ربنا ما يرجعها

قال الإعلامي عمرو أديب، إن مصر أصبح لديها القدرة الآن على التنفس بعد تراجع حدة الأزمة الاقتصادية التي شهدتها البلاد خلال الفترة الماضية.

وتابع أديب خلال برنامج "الحكاية" المذاع على قناة "أم بي سي مصر": "مصر عندها القدرة الآن أنها تاخد نفسها شوية اقتصاديا مرينا بفترة صعبة وكان في مشكلة في الدولار والنور بيتقطع وكان في مشكلة كبيرة في الصرف والميزانية والأسواق".

وأضاف: "كل هذه الأشياء اللي عيشنا فيها وكنا بنصرخ عدينا منها ونحن الان في مرحلة التقاط الانفاس، الوقت اللي إحنا فيه ده رغبة قوية من الإدارة المصرية إننا منرجعش تاني للنقطة دي أنك تكون متحكم تاني في سعر النقد ويبقي عندك قدرة أنك تصرف على مشروعاتك وتصارع التضخم أو ارتفاع الأسعار أو غلاء المعيشة أو السلام الاجتماعي".

وأكمل: "التضخم والسلام الاجتماعي اخوات وأن دورك في الفترة اللي جاية أنك تحاول بعد ما عديت من عنق الزجاجة؛ وقتها مكانش عندنا حل غير هذا الموضوع، عديت ولم تعد تلهث وبقي في وقت شوية أنك مترجعش للموضوع ده تاني أيام سودة ربنا ما يرجعها".

وواصل: "نحن نستطيع أن ننتظر إلى الوراء ونقول هو إيه اللي كان بيحصل إيه الدولار أبو 70 اللي كان رايح لمية أنت الآن بتحاول تنتقل لمرحلة التقاط الانفاس إلى الإصلاح الآن بتحاول تنتقل من مرحلة التقاط الأنفاس إلى الإصلاح".

وأوضح: "لما بدأت تشم نفسك شوية والأن بتعود والسيدة مديرة صندوق النقد عندها عشان في أحد الفنادق في مصر عشان بكرة في جلسة مفاوضات نطلب منها التيسير والتمديد أن الحياة تبقى أسهل شوية لأن كمية الالتزامات كبيرة تقوله لو سمحت خلي في فرق بين الأقساط وموضوع المحروقات دي يخلص لو سمحت في 2026".

وأكمل: "موضوع التخارج بتاع الدولة منا بتخارج ولكن عندي شوية تعقيدات أنا مش هرمي الشركات في الأرض كده ولازم أجيب لها سعر عادل لأن دي فلوس الأجيال والأجيال اللي جاية".

واختتم: "قبل المفاوضات الرسمية بيبقي في تبادل للآراء هي اتجاهها اية؟ أنت كمان عايز تتكلم معاها في موضوع المرونة مرونة سعر الدولار أنا عندي سوق وعندي ناس مش عايز كل يوم هم في شأن والنهاردة إلى حد كبير اللي عايز دولار يلاقي دولار النهاردة انت عندك احتياطي جيد مش عايز ينزل تاني أنت عايز تجيب استثمارات".