إبراهيم عيسى: لو توقفنا عن الاقتراض اليوم سنسدد ديوننا سنة 2071
أكد الإعلامي إبراهيم عيسى أن الحل الرئيسي للازمة الاقتصادية التي تمر بها البلاد هو تخارج الدولة من الاقتصاد وافساح المجال للقطاع الخاص.
وقال عيسى خلال برنامج "حديث القاهرة" المذاع على قناة "القاهرة والناس": "الهيئات اللي امتلكت قطاعات الاقتصاد في مصر أصبحت عندها امتيازات ومكاسب مش عارفة تتخلى عنها يجي صندوق النقد يحلفك على المصحف عشان تخرج ومش خارج".
وأضاف: "دي الحلقة اللي بتضيق عشان كده اللي بيحصل مصر لو توقفنا 28 أكتوبر 2024 عن اقتراض دولار واحد هنفضل ندفع في الديون لغاية النصف الأول من سنة 2071 لو مخدناش ولا سنت من النهاردة ودا مستحيل طبعا لو توقفنا هنسبب ديويننا سنة 2071".
وتابع: "أنا مش معاكم في 2071 فالاجيال هي اللي هتقعد تدفع هتقولي اه انت خبير اقتصادي هتديهوملي بقي أن أمريكا هتفضل تسدد ديونها لغاية 2054 دا كلام؟ بحب أوي لما يقارنوا نفسهم ببرة في دولة بتقترض وتسدد ولكن بتعمل استثمار وتنمية وعوائد القروض بتاعتنا بتاكل في الدخل بتاعنا".
وأوضح: "الدول اللي بتكلم عنها انها هتسدد بعد 30-40 سنة مش احنا بس الدول دي مش 63% من الموازنة بتاعتها بتسدد في قروض ليه؟ أنت بتقترض عشان تسدد قروض مش بتنتج بتعمل مشروعات بلا عائد وبلا ربح عملنا طرق عشان المستثمرين يجيوا مجوش وكل الشركات اللي بتعمل احنا اللي بندفع لها اللي جاي يعمل المونوريل أو القطار الكهربائي".
وأكمل: "ابني 16 محطة كهرباء عملت إيه بيها إيه استثمارها؟ الكهرباء بتقطع ليه لسه الحكومة متصورة إنها بتدور على حل أنتوا مش بتدوروا على حل أنتوا بتلفوا وتدورو".
