عمرو أديب عن هدم المقابر الأثرية: فين وزيري الثقافة والآثار؟.. مسمعناش صوتهم
انتقد الإعلامي عمرو أديب، هدم قبة مستولدة محمد علي وغيرها من المباني التراثية بداعي توسيع الطرق المحيطة بها.
وقال أديب، خلال برنامج "الحكاية" المذاع على قناة "إم بي سي مصر": "دي لو اتقطعت حتت سليمة كده، واتنقلت في أشياء كثيرة ممكن تتعمل غير البلدوزر دي القاهرة الخديوية دي القاهرة الإسلامية، معندناش احنا حاجة تانية دا وقف الخلق ينظرون جميعا كيف أبني قواعد المجد وحدي لما تغني وتقول أنت بتتكلم على التاريخ".
وأضاف: "تلقى حد يقولك جملة ما احنا عندنا كتير آه فعلا عندنا كتير كسر بقى اللي أنت مش محتاجه".
وتابع: "أي دولة في العالم هذا الأمر لا يتصدى له الناس فقط يتصدى له أولياء المسؤولية فين وزير الثقافة وفين وزير الآثار؟ هل الوزراء دول دورهم أنهم يوافقوا على ما يحدث؟ احنا مسمعناش صوت وزير الآثار خالص وزير الثقافة أخباره ايه؟ يتحدثون أن في تعليمات بوقف الهدم بعد ايه؟ تراب هو ده قدر مصر أن في آثار كتير دي غلطتنا أن في آثار كتير فكسر كفاية عليك الهرم الكبير؟".
وأكمل: "يأتي راي عام آخر يقولك والله معلش بنوسع الطريق في الرأي بتاع بنوسع الطريق ورأي بيقولك لازم نحافظ على الأشياء وكل قضية رأي عام واجي ييجي راميلك جملة كده يقولك دي مش مسجلة آثار هي مصر دي بالتسجيل؟ هو التاريخ المصري بالتسجيل؟ برج القاهرة ده مثلا مسجل آثار؟ برج القاهرة قصة نجاح مخابراتية لا يمكن تصدقها دا رمز لنجاح مخابراتي مصري رهيب".
وأوضح: "ياجماعة غير أنها مسجلة وموجودة عند إبراهيم بيه اللي في الورق عند الدفتر خانة ومين مضى استلمها أو مستلمهاش دا ملمح من ملامح البلد أنت عايز تقولي أنك تقدر تصنع قبة زي دي تاني؟.
