أحمد موسى ينتقد تداول صور ثلاثي الزمالك المحتجز في الإمارات

انتقد الإعلامي أحمد موسى، تداول صور لثلاثي الزمالك المحتجز حاليا في دولة الإمارات أثناء تواجدهم في الحجز بعد اتهامهم بالاعتداء أحد أفراد الأمن خلال مباراة السوبر أمام بيراميدز.

وقال موسى خلال برنامج "على مسؤوليتي" المذاع على قناة "صدى البلد": "بكرة الأهلي والزمالك في السوبر في دولة الإمارات العربية المتحدة عايزين شوية هدوء تماما، وأرجو من الناس اللي بيتداولوا صورا لثلاثي نادي الزمالك والله يا جماعة عيب لا يليق أبدأ".

وأضاف: "أولا دول شباب مصري ولا يصح أبدا إن كل واحد ماشي معاه تليفون يبعت للتاني صورة وألحقوا وعملوا والله عيب، اللي صور واللي شير عيب عليكم".

وتابع: "نادي الزمالك نادي كبير أوي وجماهير محترمة جدا ونادي عريض ومفيش رياضة في مصر بدون زمالك ولا بدون الأهلي لازم الأهلي والزمالك موجودين، واللي بيحب البلد لازم يبقى شايف قدامه كده لا يليق أبدا هدم نادي الزمالك ولا هدم النادي الأهلي ولا هدم أي نادي".

وأكمل: "علينا أن نتحلى بالروح الرياضية كفاية تعصب ونادي الزمالك النهاردة في أمس الحاجة أن احنا نسانده عشان الأزمة والأزمة دي أزمة كبيرة ويستحق الزمالك المساندة عشان الأزمة والأزمة دي أزمة كبيرة ويستحق الزمالك المساندة مش الناس تستحق الأزمة أنها تهد في نادي الزمالك".

وواصل: "الزمالك مؤسسة رياضية حافظوا عليها ليه عايزين تهدوها لمصلحة مين؟ تفضل المؤسسة ودايما بتكلم عن المؤسسات والزمالك مؤسسة من ضمن المؤسسات الموجودة ولازم نقف معاه ونساعده وندعمه، كفاية بقي بصراحة بلاقي ناس شغالين بيستغلوا الموضوع دا نادي الزمالك حافظوا عليه وعلى مكانته".