عمرو أديب ينتقد إدارة الزمالك: "عايزين تنسحبوا انسحبوا ولكن مش ده الحل"
انتقد الإعلامي عمرو أديب، تصرف مجلس إدارة نادي الزمالك تجاه واقعة اعتداء ثلاثة من لاعبي الفريق على أحد المنظمين خلال مباراة بيراميدز في السوبر المصري.
وقال أديب خلال برنامج "الحكاية" المذاع على قناة "أم بي سي مصر": "سلوك اللاعب حاجة مهمة احنا شوفنا الأهلي عمل ايه محمد رمضان رجع كهربا مصر وخصم منه مليون جنيه دا وهو رايح ماتش نهائي أخلاق".
وأضاف: "مانت متقوليش أن انت أكبر قلعة رياضية في مصر ومش عايز تعمل هذا الأمر يا كابتن حسين لازم تفصل بين الماتش وبين البطولة دا حاجة ودا حاجة وفي الامارات القانون يتم تطبيقه بشكل قوي مفيش هزار".
وتابع: "يجب أن يتدخل اتحاد الكرة ووزير الرياضة لأن الامر بقي حساس جدا واحنا مش عايزين حاجات زي دي تعمل مشاكل إن شاء الله الليلة دي يخلص هذا الامر عايزين تنسحبوا انسحبوا ولكن هذا ليس الحل الصحيح ولا الحل الرياضي ولا الحل التربوي".
وأكمل: "أو قولي اللي مقدرتش تقوله في البيان بتاعك أن احنا مغلطناش لاعيبتي مغلطتش لاعبيتي مظلومين وفي حد بيتبلى عليهم أشياء غريبة جدا وأن الناس تقرر أنها تستخدم أيدها في حسم خلافات احنا بنتكلم عن بطولة ظريفة يعني وملوش علاقة بالماتش والنتيجة".
واختتم: "بيقولك أصله كان لابس احمر وكانوا حاسين انه بيغيظهم وحتى لو دا حصل دا جزء من اللعبة انما مش جزء من اللعبة أنك تاخد حقك بأيدك ومش جزء من اللعبة أن مسؤول وتلات لاعيبة يعتدوا على الراجل".
